Çudirat nga tribunat nuk kanë fund, por në Tunizi është e tepërt kjo që ka ndodhur në Ligën e Kampioneve për Afrikën. Në një ndeshje kur në stadium nuk lejohen çakmakët, policisë i ka shpëtuar një… motosharrë.
Një incident i papreçedent ka ndodhur në ndeshjen Esperance Tunis-Kabilie. Tifozeria vendase ishte duke shijuar ndeshjen në pjesën e parë dhe gjithçka ishte në qetësi, deri në momentin kur disa tifozë nisën të shkaktonin trazira në stadium.
Njëri prej tyre, ka nxjerrë edhe një motosharrë dhe ka nisur të shkatërrojë rrethimin e stadiumit. Sakaq, një nga pjesët e tribunës është përfshirë edhe nga flakët. Ndërkohë, skuadra e tyre arriti të kualifikohet në gjysmëfinale, falë barazimit 1-1 pasi kishte fituar 0-1 ndeshjen e parë.
PANORAMASPORT.AL
